NİYƏ? – İkinci kitab: Bumeranq

Hadisələr Braziliyada 1994-cü ildə baş verən və özündə detektiv və melodram elementlərini ehtiva edən romanın davamıdır. Ölkə prezident seçkiləri ərəfəsində yaşayır. Baş qəhrəman, nüfuzlu oliqarx bu seçkilərə müdaxilə etmək qərarına gəlir ki, böyük ölkənin başında öz adamını qoysun. Lakin keçmişi onu addımbaaddım izləyir və tale bumeranqı öz qanlı kölgəsini onun üzərinə sərir. Oliqarxa meydan oxunur və o, özü üçün qeyri-bərabər olan savaşa qatılır. Gözlənilməz sonluqla başa çatan maraqlı qarşıdurma baş qəhrəmanların məhəbbəti fonunda baş verir. Qalmaqallı açıqlamalar bir-birinin ardınca gəlir, qisas və xainlik isə, məhəbbət və kişiliklə sıx əlaqələnir. Humanizmin əbədi dəyərləri bu ölüm mübarizəsində çox ağır bir sınaqdan keçməli olur.